要打爆機，儲經驗值升呢最緊要，唔係分分鐘被人「秒殺」都唔知乜事。 靚模周秀娜呢期人氣最勁，原本都以為自己夠晒級數打大佬，浩浩蕩蕩殺入大學演講廳，點知俾人哋個教授問兩問就露晒底，唔係唔識答就話人哋條題目好深，學生又醉翁之意，所謂「知識無限講座」，唔知大家學到幾多嘢？
在書展中憑着噴血寫真和誘人攬枕而成功上位的模周秀娜，昨晚在科技大學出席講座，李小良教授與周秀娜對談「解讀周秀娜現象」。整個長達個半小時的講座，兩人毫無交集問非所答，究竟如何「解讀」了周秀娜，大家聽得一頭霧水，簡直是浪費時間，浪費公帑。
未開talk前，已被外界狂插膚淺、荒謬，周秀娜無懼外界抨擊，懶理外間抨擊佢未夠班，周秀娜噚日如期殺入科大，擔任科大知識無限講座系列嘅頭炮嘉賓，衣着方面事先聲明話以「Miss Look」登場，原來係鬆身衫加超短裙仔，咁嘅 Miss，八方讀書咁耐未見過囉。
今次「解讀周秀娜現象」在科技大學演講廳舉行，可容納四百人，六時已經滿座，其中七成是男生，大家均期待可從中有所得着，但整個過程，由教授獨自講解開頭，一開波已無厘頭引用《西廂記》中的色情典故套用在周秀娜的case，與攬枕、食雪糕、刷牙比同是性現象、性引喻。再插入兩段不同的廣告，其中是周秀娜的纖體廣告，另一段是模特兒食雪條，教授將他們定為情色消費一種，富挑逗及誘惑情。
如果唔係教授搞吓爛 gag，啲學生恐怕都去晒搵周公。卒之輪到萬眾期待嘅靚界女神登場同李教授對談，佢一開始表現都仲可以，同教授講話家吓年輕人嘅共通點係冇電腦會死、鍾意睇啲好爆嘅嘢咁，不過當李教授開始講理論，要周小姐分享「喺 intensive moment有冇一種 pleasure」之類嘅問題時，佢就開始啞咗，回應話「好深喎」、「唔係好明」、「你可唔可以問多次？」
之後周秀娜出場與教授對談，兩人的談話可謂毫無內容，周秀娜答非所問、不理解教授的問題，引例如解釋唔到，醜態百出，而教授亦不見得有高見，同一個問題可以問三次之多，連你是否快樂也作為問題。以下是兩人廢問廢答精華：
教授：你覺得呢個年紀嘅人，有乜共同特色？
周：無咗電腦會死，依家好多時喺網上搵資料。
教授：除咗呢樣，生活上呢？
周：大家都好鍾意好爆嘅嘢，差異好大嘅嘢（全場笑），例如巴士阿叔。
教授：有乜差異？
周：er……（答唔出）大家都追求刺激，依家年輕人好鍾意玩自拍，我都係其中一個。
教授：你係咪覺得呢代人，好鍾意激烈情緒同情感上得到愉悅？
周：好深喎。（全場大笑和拍手）
教授：自拍愉悅係咪快樂一種，自拍同反叛有冇關係？
周：個個定義唔同，以前鍾意，依家係工作一部分，啲人用呢種方法放上網，證明自己嘅存在。
教授：自拍同反叛有冇關係？
周：你指情色成分。
教授：唔係，我指係反叛？
周：反叛有好多嘢否定，例如阿媽唔想我做月入八千元sales，想做醫生，律師，自己唔自覺得做八千蚊sales係反叛，想做自己嘅嘢。
教授：自拍同反叛有冇關係？
周：我覺得自拍好開心。
教授：有冇曾經後悔，例如我曾為讀書無睇一場騷？
周：我好後悔無好好讀書。
教授：對於我無睇騷，你有乜comment？
周：教授我好難comment你。（部分人拍手）
教授：依家年輕人係點？
周：我唔係好理解依家年輕人，因我都唔了解自己，要搞掂自己先。
教授：咁你有無衝動同欲望梳理（意思整理）自己。
周：你可唔可以講多次？係咪逃離？
教授：係好好了解自己。
周：會呀，有時唔知自己做緊乜，係想知自己點解要咁做。
教授：你覺得年輕人追求自己或做緊乜嘢係咪好重要？
周：好深，我諗係重要嘅，唔係追求自己係追求自己嘅目標，係無止境追求更高位置，對我嚟講係一種快樂。
教授：快樂對你嚟講係咩，你快唔快樂？
周：快樂，我好鍾意自己嘅工作，雖然過程有唔開心，有困難，快樂係自己追求，唔可以停留，要知道自己為乜而笑。
去到問答環節，文化學部研究生 Jenny 問周秀娜，既然佢講到好了解自己想做乜，出攬枕嘅目的係乜嘢呢？周秀娜就話自己係要同工作人員交代，至於個市場角度，佢都控制唔到，但就死都唔肯講自己嘅「目標」係乜。
好多捧場學生都話對周秀娜呢 30分鐘嘅表現有啲失望， Jenny 同八方講，見完周小姐真人，開始明白點解外界會話靚模冇腦；亦有學生話以為係周小姐 talk show，點知原來內容咁鬼學術化，李教授講嘢「深到冇朋友」，所以令佢幾失望。
周秀娜卻話科大之行學到嘢，又話李教授講嘢真係幾深。李教授都好有風度，讚周秀娜表現好好，「話好深其實都係一種對談技巧架。」
穿超短裙登場嘅周秀娜，應該冇令 fans失望。
周秀娜到科大做學術講座嘉賓，吸引大批傳媒採訪。
演講廳 400個座位爆棚，師生都爭睹靚模風采。
面對教授提問，周秀娜不時一臉疑惑。
有片: 科大「解構周秀娜現象」講座 youtube + 周秀娜自嘲墨水少科大致歉 youtube
http://www.fotop.net/samwu/chrissie
[
本帖最後由 mr.gentleman 於 2009-10-9 07:57 AM 編輯 ]
實用相關搜尋: 纖體 大學 中七 醫生 讀書 廣告 律師 科技 
Internet 及 Network Security 網絡安全課程，6小時，$196！ - www.systematic.com.hk
ITIL Foundation Certificate in IT Service Management 國際認可證書課程，18小時，$1,386！ - www.systematic.com.hk
